Deputeti i Vetëvendosjes, Shpejtim Bulliqi, ka thënë se sot iu është këputur shpresa qytetarëve të vendit me rënien e Qeverisë Kurti.

“Qytetarët kanë votuar me shumicë votash për ndryshim. U pa që LDK edhe sot e kësaj dite udhëhiqet nga garda e vjetër që përveç interesave të saja personale nuk sheh gjë tjetër. Është për të ardhur keq, sidomos për ata që janë në karantinë kanë pas shpresa e sy në këtë koalicion që iu këputën sot”, ka thënë Bulliqi, transmeton Klan Kosova.

“Doli një subjekt politik që tradhtoi qytetarët e vet. Ky subjekt politik vendin e ka pasë në PAN. Po vërehet koordinimi mes Isa Mustafës dhe Hashim Thaçit”.

Bulliqi ka thënë se tash rruga mbetet drejt zgjedhjeve të reja.

“Është mirë që të shkohet në zgjedhje. Janë zhvesh nga petku i tradhtisë. Qytetarët e dinë kush janë ata tash. Sovrani do ta thotë fjalën edhe për gjërat që kanë ndodhur sot në Kuvendin e Kosovës”.