Qeveria braziliane ka vendosur që me urgjencë të rrisë numrin e rojeve të burgut, pasi një sëri masakrash lanë të vdekur 100 të burgosur gjatë javës së kaluar.

Personel i sigurisë federale, duke përfshirë trupa, civilë dhe zjarrfikës janë dërguar në Amazona dhe Roraima, ku edhe ndodhën dy masakrat më të mëdha, ka bërë të ditur Ministri i Drejtësisë, Alexandre de Moraes, transmeton arbresh.info.

Përforcimet do të forcojnë sigurinë në burgje dhe do të ndihmojnë në kërkimin e 114 të burgosurve që gjenden në arrati.

Qindra të burgosur janë zhvendosur në objekte tjera pas trazirave, pasi lufta mes dy bandave të drogës përfundoi edhe me heqjen e kokave të disa të burgosurve.

Të paktën katër të burgosur janë vrarë të dielën në një prej këtyre objekteve të zhvendosjes, në Manaus, që ka dërguar edhe në rritjen e numrin të vdekjeve të dhunshme në 100 brenda javës.

Pjesa më e madhe e dhunës është kryer nga bandat rivale të drogës që synojnë të marrin nën kontroll burgjet e mbipopulluara./Arbresh.info