Kosova dhe Serbia kanë arritur marrëveshje për targat.

Lajmi u bë i ditur nga Përfaqësuesi i Lartë i BE-së për Politikë të jashtme dhe Siguri, Josep Borell, përmes një postimi në Twitter.

“Serbia do të ndalojë lëshimin e targave me emërtimet e qyteteve të Kosovës dhe Kosova do të ndërpresë veprimet e mëtejshme në lidhje me riregjistrimin e automjeteve. Unë do t’i ftoj palët në ditët në vijim për të diskutuar hapat e ardhshëm. E falënderoj EUSR-në @MiroslavLajcak & Palët për punën e palodhur” ka shkruar Borell.

“Shumë i kënaqur të njoftoj se kryenegociatorët e Kosovës dhe Serbisë nën lehtësimin e BE-së, janë dakorduar për ndërmarrjen e masave për shmangie të përshkallëzimit dhe të përqendrohen plotësisht në propozimin për normalizim të marrëdhënieve”, shkroi Borrell.

Negociatat janë zhvilluar në Bruksel mes të dërguarit të BE-së për dialogun, Mirosllav Lajçak dhe kryenegociatorëve të Kosovës dhe Serbisë, Besnik Bislimi dhe Petar Petkoviq./arbresh.info/

Serbia will stop issuing licence plates with Kosovo Cities’ denominations & Kosovo will cease further actions related to re-registration of vehicles.

I will invite the parties in the coming days to discuss next steps

I thank EUSR @MiroslavLajcak & the Parties for the hard work.

— Josep Borrell Fontelles (@JosepBorrellF) November 23, 2022