Kryetari i Komunës së Skenderajt, Bekim Jashari ka kërkuar nga Prokuroria Speciale arrestime ndaj regjimit të Beogradit, të cilët kryen masakër në familjen Jashari në mars të vitit 1999.

Prokuroria Speciale e Shtetit ka nisur hetime për vrasjen e Adem Jasharit dhe 58 anëtarëve të familjes së tij.

Bekim Jashari në një intervistë për portalin arbresh.info ka thënë ‘dashtë Zoti ta kenë pernime’ dhe të mbledhin prova e të dënohen kriminelët serbë.

“Janë bërë disa vite dhe dashtë Zoti ta kenë pernime jo vetëm në teori për me mbledh fakte si duhet dhe më padite dhe me u dënua regjimi I Beogradit, qeverisja e atëhershme apo shteti serb. Qeveria duhet të i paguaj dëmet që i ka bërë jo vetëm për familjen tonë por për të gjitha”, tha ai.

“Kam frikë se do të jenë më shumë politikë dhe lëmoshë ndaj familjeve që kanë përjetuar këso raste”, tha ai.

Bekim Jashari nuk është intervistuar nga Prokuroria Speciale, por ai thotë se e kanë thirrur për të kontaktuar Besarta Jasharin.

“Jam kontaktuar, me kanë kërkuar të intervistojnë motrën Besartën dhe i  kam qit në kontakt me të. Në kohën kur ka ndodh sulmi ka qenë Besarta dhe Bashkimi në shtëpi”.

“Ka prova e fakte me thasë”, tha në fund Jashari./arbresh.info/