Altin Krasniqi: Sot, babait tim po i bëhen 15 vjet në burgje, po plaket në qeli, larg vendit të tij

09:25 | 15 Korrik 2025
E.K

Deputeti i Partisë Demokratike të Kosovës (PDK), Altin Krasniqi, ka reaguar sot në përvjetorin e 15-të të burgosjes së babait të tij, ish-zëdhënësit të Ushtrisë Çlirimtare të Kosovës (UÇK) dhe ish-kryetarit të Kuvendit, Jakup Krasniqi.

Përmes një postimi në Facebook, Krasniqi tha se babai i tij, tashmë 74-vjeçar, po e pret pleqërinë në qeli, në vend që ta shijonte rolin e gjyshit me mbesat e tij.

Deputeti Krasniqi e cilësoi burgosjen e babait të tij si padrejtësi të thellë, duke e krahasuar me përndjekjen politike që ai kishte pësuar edhe gjatë regjimit të Jugosllavisë, kur më 4 prill 1981 ishte dënuar me 14 vite burg.

Ai shprehu zhgënjimin e thellë se drejtësia ndërkombëtare po ndëshkon ata që luftuan për lirinë e Kosovës, ndërsa krimet serbe vazhdojnë të mbeten të pandëshkuara./Arbresh.info