Një aksident zingjiror ka ndodhur rreth orës 16:30 në magjistralen Prishtinë-Pejë, saktësisht në fshatin Vragoli.

Rastin për Arbresh.infoe ka konfirmuar zëdhëndësi i policisë, Bajram Krasniqi, ku njoftoi se 8 vetura janë përfshirë në këtë aksident.

Krasniqi ka bërë të ditur se si pasojë e aksidentit, katër persona kanë mbetur të lënduar.

“Rreth orës 16:30, policia është njoftuar për aksident trafiku të ndodhur në rrugën nacionale Prishtinë-Pejë (fshati Vragoli). Siç njofton njësia e trafiku nga vendi i ngjarjes, në aksident janë përfshirë tetë automjete (aksident zinxhiror). Si pasojë e aksidentit katër persona kanë kërkuar ndihmë mjekësore. Njësitet policore kanë bërë shikimin e  vendit të ngjarjes dhe janë marrë me procedurat lidhur me aksidentin” tha Krasniqi./Arbresh.info