Ahmeti: Askush nuk bën të çuditet e as të sulmojë “pazaret” në politikë

19:33 | 4 Prill 2021

Kryetari i Prishtinës, Shpend Ahmeti ka reaguar në lidhje me sigurimin e kuorumit për procesin e votimit të presidentit.

Ahmeti u shprehë se qytetarët nuk bën të çuditen e as të sulmojnë politikanët kur bëjnë “pazare”.

Kryetari i Prishtinës tha duhet të sulmohen politikanët kur bëjnë pazare për përfitime personale.

Postimi i plotë:

Askush nuk bën të çuditet e as të sulmojë “pazaret” në politikë. Në fakt është pjesë thelbësore e politikës ne demokraci ku ka llojlloshmëri të partive e besimeve. Më jep diçka – të jap diçka. Çudi mund të jetë fakti që po e bëjnë ata që kanë ligjeruar kundër konceptit si parim. E duhet të sulmohet pazari për përfitime personale.

Kjo nuk nënkupton se vota për pozitë është apriori e keq në qoftë se potëzita shfrytëzohet për shtyerje të besimeve të votuesve që përfaqëson. Me deputetin në fjalë e me plotë tjerë në Kosovë vështirë të besohet.Pazare do të ketë përgjithmonë e tashmë është e qartë se do ti bëjnë të gjithë. Shpresa është se në të ardhmen këto tregti do të bëjen për interesa të qytetarëve që i kanë votuar këta përfaqësues.

Shpërndaje në rrjete sociale

Lajmet më të lexuara