Një përleshje fizike ka ndodhur sot rreth orës 21:00 në rrugën “Vëllezërit Gërvalla” në Prishtinë.

Lajmin për Arbresh.info e ka konfirmuar zëdhënësi i policisë për kryeqytet, Enis Pllana i cili tha se një person ka mbetur i lënduar dhe ka pranuar tretman mjekësor.

Ai shtoi se personat e përfshirë në rast janë shoqëruar në stacion policor ndërsa njësitet relevante janë duke u marrë me sqarimin e plotë të rrethanave të rastit

“Sot rreth orës 21:00 kemi pranuar informatën për një përleshje fizike në rrugën Vëllezërit Gërvalla në Prishtinë. Policia menjëherë ka dalë në vendin e ngjarjes. Nga informatat fillestare, raportohet se një person ka mbetur i lënduar, i cili ka pranuar tretman mjekësor. Personat e përfshirë në rast janë shoqëruar në stacion policor ndërsa njësitet relevante janë duke u marrë me sqarimin e plotë të rrethanave të rastit”, tha ai./Arbresh.info