Kryetari i AAK-së, Ramush Haradinaj ka reaguar pasi që SHBA-të vunë sanksione ndaj anëtarëve dhe krerëve të bandave kriminale të veriut, përfshirë Milan Radojiçiqin dhe Zvonko Veselinoviqin.

Haradinaj në një postim në Facebook ka thënë se ky është një lajm i shkëlqyeshëm për Kosovën.

Ai ka thënë se ky vendim do të ndihmojë Kosovën për të luftuar krimin e organizuar.

“Vendimi i Shteteve të Bashkuara të Amerikës për sanksionimin e krerëve të krimit të organizuar në Kosovë, është lajm i shkëlqyeshëm për Kosovën. SHBA dhe Kosova janë të përkushtuar për sundimin e ligjit dhe kjo është një përpjekje e përbashkët për të luftuar korrupsionin dhe krimin e organizuar. Vendimi do të ndihmojë misionin tonë të përbashkët për të goditur krimin transnacional në Kosovë dhe Ballkanin Perëndimor”, ka shkruar Haradinaj.

Vendimi i ShBA-së është përshëndetur edhe nga presidentja e Kosovës, Vjosa Osmani./arbresh.info/

Këto janë arsyet e sanksionit nga ShBA ndaj Zvonko Veselinoviqit dhe grupit të tij