Ministri i Administrimit dhe Pushtetit Lokal, Elbert Krasniqi ka thënë kanë filluar punimet për rregullimin e ujësjellësit për fshatrat Sllatinë dhe Bardh i Madh.

Me anë të një postimi në Facebook, Krasniqi bëri të ditur se bashkë me kryeministrin Albin Kurti dhe ministrin, Liburn Aliu kanë përuruar fillimet e këtij punimi, shkruan Arbresh.info.

Sipas tij, ky projekt siguron ujë të pijës për rreth 10 mijë banorë.

“Po përmbyllim këtë vit me lajmin e mirë për fillimin e punimeve për realizimin e projektit për rregullimin e rrjetit të ujësjellësit për lagjet 028 – 029 dhe fshatrat Sllatinë dhe Bardh i Madh, i cili ka qenë zotim i yni për banorët e kësaj zone, të cilët ndonëse afër Prishtinës për një kohë të gjatë janë lënë pa ujë të pijes.”, u shpreh ai.

“Me Kryeministrin Kurti dhe Ministrin Aliu përuruam fillimin e punimeve të këtij projekti i cili përmes rregullimit të rrjetit të ujësjellsit siguron për herë të parë ujin e pijës për banorët e këtyre fshatrave dhe lagjeve me rreth 10 mijë banorë. Ky projekt prej 3 million euro do të përfundoj brenda 2 viteve.”, shtoi Krasniqi.

Ndër të tjera, Krasniqi u shpreh se ky project është dhe do të mbetet prioritet deri në përfundimin e tij.

“Ky projekt ka qenë prioritet dhe do mbetet deri në mbarimin e punimeve duke pas parasysh se uji i pijës është e drejtë elementare që duhet ti garantohet secilit banorë.”, përfundoi ai./Arbresh.info/