Reagon Brukseli: Gazi s’ka vend në Parlament

13:44 | 21 Mars 2018

Pas hedhjes për herë të dytë të gazit lotsjellës në seancën e Kuvendit ku pritet të ratifikohet marrëveshja për shënjimin e kufirit me Malin e Zi, raporton arbresh.info.

Tashmë ka ardhur edhe reagimi nga Brukseli.

Është komisioneri për Fqinjësi dhe Negociata të Zgjerimit Johannes Hahn i cili ka dënuar fuqishëm përdorimin e gazit lotsjellës. Ai ka thënë se një sjellje e tillë nuk ka vend në demokraci.

“Fuqishëm dënoj përdorimin e gazit lotsjellës. Sjellja e tillë nuk ka vend në demokraci. Në këtë ditë të rëndësishme liderët e Kosovës duhet të marrin përgjegjësitë e tyre dhe të votojnë marrëveshjen e demarkacionit. Qytetarët e tyre vetëm kështu mund të përfitojnë në liberalizimin e  vizave që është në horizont”, ka thënë Hahn.

Kujtojmë se për herë të dytë është ndërprerë votimi i Marrëveshjes së Demarkacionit përmes hedhjes së gazit lotsjellës nga Vetëvendosje./Arbresh.info/

 

Shpërndaje në rrjete sociale

Lajmet më të lexuara