Shportat e plastikës që përdoren në aeroport për mbartjen gjatë kontrollimit të sigurisë kanë më shumë mikrobe dhe viruse sesa tualetet.

Këto shporta janë të mbuluar me patogjene dhe mund të shkaktojnë nga ftohja  e zakonshme dhe gripi deri te pneumonia, infeksionet e fshikëzës, sëmundjen SARS dhe madje edhe shkaktojnë dëmtim të trurit, sipas studimit të parë të këtij lloji.

Shportat e plastikës mendohet të mbajnë një numër të madh virusesh për shkak të përdorimit të tyre të shpejtë, si dhe duke u prekur nga çdo pasagjer që kalon nëpër një aeroport.

Këto tabaka dezinfektohen gjithashtu rrallë, me sipërfaqet e tyre të forta që lejojnë viruset të mbijetojnë deri në një ditë.

Udhëtimi ajror u fajësua për përhapjen e shpejtë të SARS nga Hong Kongu  në Amerikën e Veriut dhe Jugut, Evropë dhe gjithë Azinë në vitin 2003, si dhe epidemia e gripit që shkoi nga Meksika në SHBA në 2009.