Brnabiq: Me RMV-në jemi marrë vesh për 8 mijë vaksina, por “Pfizer” nuk është e regjistruar tek ata

13:08 | 21 Janar 2021

Kryeministrja e Serbisë Ana Brnabiq, ka deklaruar se ata dëshirojnë t’u ndihmojnë fqinjëve të tyre rreth vaksinave kundër coronavirusit, duke ritheksuar marrëveshjen në mes në Aleksandar Vuçiqit dhe Zoran Zaevit.

Brnabiq për “TV Happy” tha se detyra e Qeverisë së Serbisë për të ndihmuar vendet e rajonit është dhënë nga presidenti Aleksandar Vuçiq, me arsyetimin se “nëse qytetarët e tyre vaksinohen, ndërsa të fiqnjëve jo, atëherë as ata nuk mund të përparojnë”.

“Kemi marrëveshje, kanë biseduar Vuçiqi me Zaevin dhe kemi vendosur që t’ju ndihmojmë me 8 mijë vaksina. Ne ndihmojmë që të regjistrohen vaksinat ‘Pfizer’ në RMV. Punojmë me ata. Problemi mund të jetë në atë që ata marrin vaksina ‘Pfizer’, por nuk janë të regjistruar”.

“Qëllimi nuk është vetëm të blihen vaksinat, pasi ka shumë çështje në prapavijë. Regjistrimi në agjencinë adekuate, plani për vaksinim. Ne jemi ndër vendet e rralla që kemi sistem adekuat informativ”, tha Brnabiq.

Ndryshe, ajo theksoi se deri sot në ora 09:00 është kaluar numri prej 50 mijë të vaksinuarve në Serbi./telegrafi

Shpërndaje në rrjete sociale

Lajmet më të lexuara