Ministria ruse e Mbrojtjes ka publikuar pamje të inteligjencës satelitore ku sipas tyre dëshmon se nafta siriane është dërguar jashtë vendit nën rojën e ushtarëve amerikanë.

Sipas Major-Gjeneral Igor Konashenkov kjo është bërë para dhe pas mundjes së terroristëve të DAESH-it, transmeton portali arbresh.info.

Ministria tha se “imazhet e inteligjencës hapësinore treguan se nafta nxirrej aktivisht dhe eksportohej masivisht për përpunim jashtë Sirisë, nën mbrojtjen e besueshme të trupave amerikane, para dhe pas humbjes së terroristëve Daesh”.

Shefi i Pentagonit, Mark Esper tha të premten se Shtetet e Bashkuara synojnë të marrin masa në të ardhmen e afërt për të forcuar pozicionet në rajonin Sirian Deir ez-Zor për të parandaluar që terroristët të hyjnë në fushat e naftës.

Sipas tij, Shtetet e Bashkuara po studiojnë se si të lëvizin forcat në rajon, “për të siguruar sigurinë e fushave të naftës”./arbresh.info/