Turqia ka paralajmëruar Greqinë që të bisedojë në mënyrë diplomatike, përndryshe do të përballet me pasoja.

Të dy vendet janë duke u përplasur për ujrat e diskutueshëm në Mesdheun Lindor, ku ka potencial për zbulime të ardhshme të gazit dhe të naftës.

“Ata ose do të kuptojnë gjuhën e politikës dhe të diplomacisë, ose do të përballen me përvoja të serioze”, ka deklaruar presidenti turk, Recep Tayyip Erdogan.

Tensioni midis aleatëve të NATO-s është rritur ndërsa fqinjët, me shumë mosmarrëveshje që ziejnë gjatë, vendosën forcat detare dhe ato ajrore për të pretenduar pretendimet e tyre konkurruese.

“Ata do të kuptojnë se Turqia ka fuqinë politike, ekonomike dhe ushtarake për të grisur hartat dhe dokumentat që janë imponuar”, tha Erdogan.

Duke folur në ceremoninë e hapjes së një spitali në Stamboll, ai tha se Turqia ishte “e gatshme për çdo eventualitet dhe rezultat”.

Gazeta Cumhuriyet njoftoi se 40 tanke po transportoheshin në Turqinë veri-perëndimore.

Tensionet mes dy vendeve janë duke u zhvilluar pranë ujrave të Qipros, një tjetër vend i BE-së.

Franca, Italia dhe Emiratet e Bashkuara Arabe kanë shprehur hapur përkrahjen ndaj Greqisë, ndërsa Egjipti  ka nënshkruar një marrëveshje për eksplorimin e energjisë me Athinën për Mesdheun.

BE ka kërcënuar gjithashtu sanksione të mundshme kundër Turqisë lidhur me ato që thotë se janë veprime të paligjshme./arbresh.info/