Prodhuesi i dezinfektuesit ka lëshuar një paralajmërim të fortë për të mos i përdorur produktet e tyre në trupin e njeriut, pasi Donald Trump sugjeroi që ato mund të vijnë në përdorim për të trajtuar koronavirusin.

Reckitt Benckiser, i cili zotëron Lysol dhe Dettol, tha se “në asnjë rrethanë” nuk duhet që produktet e tij të injektohen ose të hahen, transmeton portali arbresh.info.

Presidenti Trump përballet me kundër-reagim ndaj komenteve të tij në një konferencë të enjten.

Dezinfektuesit janë substanca të rrezikshme dhe mund të jenë helmuese nëse gëlltiten.

Edhe ekspozimi i jashtëm mund të jetë i rrezikshëm për lëkurën, sytë dhe sistemin e frymëmarrjes.

Komentet e Trumpit janë kritikuar shumë nga mjekët dhe kanë gjeneruar një përgjigje të madhe në internet. Ato kanë provokuar qindra mijëra komente dhe kanë bërë që markat e mirënjohura të pastrimit të trendojnë në mediat sociale.

Reckitt Benckiser, i cili gjithashtu zotëron markat Vanish dhe Cillit Bang, tha që produktet e tij nuk duhet të administrohen “përmes injeksionit, gëlltitjes ose ndonjë mënyre tjetër”.

“Produktet tona dezinfektuese dhe higjienike duhet të përdoren vetëm ashtu siç synohet dhe në përputhje me udhëzimet e përdorimit. Ju lutemi lexoni etiketën dhe informacionin e sigurisë”, tha kompania në një deklaratë./arbresh.info/