Ad Banner
Ad Banner
Ad Banner
Ad Banner

Të shtëna në një McDonald’s, 2 të vrarë dhe 8 të plagosur

18:39 | 20 Maj 2022
Gita

Të paktën dy persona u vranë dhe tetë të tjerë u plagosën të enjten mbrëma nga të shtënat pranë një McDonald’s në lagjen Gold Coast të Çikagos.

Të shtënat kanë ndodhur rreth orës 22:40. Sipas policisë, të plagosurit u dërguan me urgjencë drejt spitalit.

Të vrarët ishin të dy burra.Një armë është gjetur dhe një i dyshuar është arrestuar, por çështja është nën hetim.

Video dhe foto nga vendi i ngjarjes tregojnë se disa nga dyert dhe dritaret e xhamit të McDonald’s janë thyer plotësisht. Një dëshmitar në vendngjarje tregon se incidenti nisi kur një grup i madh të rinjsh u përleshën jashtë restorantit.

Pak më vonë, një makinë u ndal para McDonald`s dhe dikush brenda automjetit filloi të qëllonte, duke goditur disa njerëz. Policia ende nuk ka dhënë detaje mbi motivet e kësaj ngjarjeje.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm