Stuhi në Japoni, zhduket anija me 26 turistë

18:05 | 23 Prill 2022
Lorik Gerbeshi

Një anije turistike me 26 persona u zhduk sot pasi hasi në një stuhi në veri të Japonisë ndërsa raportoi se po fundosej, njoftoi Roja Bregdetare japoneze.

Asnjë i mbijetuar nuk është gjetur pas më shumë se 10 orësh të një kërkimi intensiv që përfshinte gjashtë varka patrullimi, pesë aeroplanë dhe zhytës profesional.

Roja bregdetare tha se do të vazhdojë me kërkimet edhe gjatë ditës së nesërme, raporton abcnews.

Anija 19 tonëshe, “Kazu 1” njoftoi autoritetet japoneze se harku i anijes kishte pësuar dëmtime të mëdha ndërs filloi të fundosej pranë brigjeve të gadishullit Shiretoko, në ishullin verior të Hokkaidos.

Ndryshe, turneu turistik zgjat rreth tre orë dhe ofron pamje piktoreske të bregut perëndimor të gadishullit, duke përfshirë natyrën dhe kafshët si balenat, delfinët dhe ariun e murrmë.

Parku kombëtar është në listën e Trashëgimisë Botërore të UNESCO-s.