Një grua në Iran, që hoqi hixhabin në mes të protestës është kthyer në simbol të rezistencës.

Përkundër kodit të veshjes, ajo ka sfiduar autoritetet iraniane në vendin i cili për 40 vite ka detyruar gratë që të bartnin shami në kokë, transmeton portali arbresh.info

Mediat e huaja e kanë vlerësuar gruan si “heroinë të vërtetë” dhe kanë theksuar se guximi i saj është për t’u admiruar.

Policia në Teheran gjatë javës së kaluar ka theksuar se nuk do të arrestojë gratë që nuk respektojnë kodin e veshjes.

Megjithatë, agjencia e lajmeve Tasnim ka raportuar se të gjithë ata që shkelin kodin e veshjes do të arrestohen dhe se do të merren masa ligjore kundër tyre.

Protestat anti-qeveritare në Iran filluan më 28 dhjetor në disa qytete të mëdha të vendit. Deri me tani është raportuar për 22 të vdekur gjatë përleshjeve mes protestuesve dhe policisë./arbresh.info/