12 shqiptarë janë arrestuar në Belgjikë, në kuadër të një operacioni policor që arriti të shkatërrojë një organizatë kriminale.

Në kuadër të operacionit të koduar “Antëerp”, shqiptarët e arrestuar janë: V. M., 45 vjeç, V. B., 49 vjeç, F. M., 52 vjeç, S. B., 64 vjeç, N. B., 42 vjeç, F. D., 34 vjeç, F. D., 60 vjeç, Z. P., 50 vjeç (alias Ch. S.), B. H., 50 vjeç, G. Sh., 41 vjeç, A. F., 29 vjeç dhe A. V., 42 vjeç, ndërkohë që 6 të tjerë janë shtetas të huaj.

Organizata me drejtues shqiptarë kishte bazën në Antwerp, Belgjikë, ndërsa trafikonte drogë dhe armë, nga Amerika e Jugut në Belgjikë.

“Si rezultat i hetimeve të përbashkëta me Policinë shqiptare, bazuar në informacionet e siguruara gjatë hetimit, Policia Federale Kriminale e Belgjikës ka arrestuar 18 shtetas (12 prej tyre shqiptarë dhe 6 shtetas nga vende të tjera), pjesëtarë të organizatës kriminale që trafikonte drogë dhe armë, nga Amerika e Jugut në Belgjikë”-njofton policia.

Gjatë këtij operacioni, Policia belge ka kontrolluar 19 banesa dhe ambiente të tjera në qytetit e Antwerpit.

Vijojnë hetimet e përbashkëta për dokumentimin e plotë të veprimtarive kriminale të këtij grupi, identifikimin dhe kapjen e pjesëtarevë të tjerë të grupit./euronews.al