Një eskalator është shembur në një stacion metroje në Romë, duke lënë të lënduar disa persona, disa prej tyre në gjendje serioze, raportojnë mediat italiane.

Incidenti i ndodhur në stacionin Repubblica përfshiu tifozë që vinin për skuadrën mysafire të futbollit CSKA Moska, transmeton portali arbresh.info.

Pamjet e publikuara në mediat sociale tregojnë njerëzit duke u mbledhur në fund të një eskalatori gjersa binte shpejt.

Shërbimet emergjente janë në vendin e ngjarjes dhe stacioni është mbyllur, raporton agjencia italiane e lajmeve Ansa.

Një fotografi nga vendngjarja është postuar në Twitter nga shërbimi i zjarrit dhe shpëtimit.

#Roma #23ott 19:45, cede scala mobile #metroA stazione #repubblica: intervento #vigilidelfuoco in corso per soccorso ai feriti pic.twitter.com/TVAsgYD8Zd

— Vigili del Fuoco (@vigilidelfuoco) October 23, 2018

Ansa tha se të paktën 10 njerëz ishin lënduar keq, shumica e të cilëve kishin pësuar lëndime në këmbë./Arbresh.info/