Presidenti i Iranit ka përjashtuar mbajtjen e bisedimeve bilaterale me Shtetet e Bashkuara.

“Ka pasur shumë oferta për bisedime, por përgjigjja jonë gjithmonë do të jetë negative”, tha para deputetëve Hassan Rouhani, transmeton portali arbresh.info.

Por, ai tha se Irani do të pajtohej të bënte bisedime multi-laterale nëse sanksionet e SHBA-ve ndaj Iranit hiqen.

Presidenti amerikan Donald Trump ka thënë se është i hapur për rinegociimin e një marrëveshje bërthamore të vitit 2015 midis Iranit dhe fuqive botërore, të cilën zoti Trump braktisi njëanshmërisht vitin e kaluar, duke rivendosur sanksionet.

Palët e tjera të marrëveshjes – Mbretëria e Bashkuar, Franca, Gjermania, Kina dhe Rusia – janë përpjekur ta mbajnë atë të gjallë. Por sanksionet e vendosura nga zoti Trump kanë bërë që eksportet e naftës në Iran të shemben, vlera e monedhës së saj të bie dhe të rrisë edhe inflacionin.

Në korrik, pasi zoti Trump forcoi sanksionet ndaj eksporteve iraniane të naftës në përpjekje për ta detyruar atë të negociojë, Irani pezulloi dy angazhime të përcaktuara në marrëveshje.

Rouhani ka kërcënuar një hap të tretë, të paspecifikuar nëse vendet evropiane nuk marrin masa deri të enjten për të mbrojtur ekonominë iraniane nga efektet e sanksioneve./arbresh.info/