Prifti katolik kapet duke shfrytëzuar seksualisht një vajzë 13-vjeçare

22:39 | 1 Gusht 2017

Një prift 55-vjeçar dhe kreu i një shkolle katolike është zhveshur nga detyrimet e tij fetare, pasi u kap duke shfrytëzuar seksualisht një vajzë 13-vjeçare në një motel.

Arnel Fuentes Lagarejos, ish prift i famullisë së Shën Joan Parishit Baptist dhe president i Kolegjit Katolik Cainta, është akuzuar për abuzim të fëmijëve pranë qytetit Marikina në Filipine, transmeton portali arbresh.info

Besohet se prifti organizoi takimin me vajzën e mitur përmes rrjeteve sociale dhe përmes një tutori që ishte vetëm  16-vjeç. Prifti ka paguar rreth 500 pesos (7 euro) për të marrë vajzën.

Pas ndërhyrjes së policisë, ai është duke u përballur për shkelje të Ligjit kundër Trafikimit të Qenieve Njerëzore.

Sipas raporteve policore ishte nëna e vajzës së mitur që ka paraqitur rastin në polici.

Viktima ka thënë se ishte herë e tretë që ajo takohej me priftin në atë motel, ndërsa ka rrëfyer se prifti në fjalë i është kërcënuar asaj që mos të takojë burra tjerë.

Dioqeza e Antipolos ka kërkuar falje në lidhje me rastin dhe ka theksuar se ‘do të punojnë për ndalimin e trafikimit të njerëzve, sidomos të të miturve’.

Gjykata ende nuk ka vendosur rreth dënimit të priftit, përderisa hetimet janë duke vazhduar në lidhje me rastin./Arbresh.info

Shpërndaje në rrjete sociale

Lajmet më të lexuara