Mark Zuckerberg humb 5 miliardë dollarë pas skandalit të keqpërdorimit të të dhënave

15:32 | 20 Mars 2018
Arbresh.info

Vlera e Mark Zuckerbergut ka rënë për afërsisht pesë miliardë dollarë, pasi që aksionet e Facebook-ut ranë për shkak të skandalit me Cambridge Analytica, ku thuhet se të dhënat e 50 milionë përdoruesve u keqpërdorën.

Aksionet e kompanisë ranë rreth 7 për qind, duke e vënë Facebook-un në gjendjen më të keqe në shtatë vite, transmeton portali arbresh.info.

Zuckerberg, i cili është njeriu i shtatë më i pasur në botë, ka rreth 400 milionë aksione apo 16 për qind në Facebook.

Pas kësaj rënie, Zuckerberg tani ka vlerën 59.5 miliardë dollarë, sipas Forbes.

Kompania e tij po përballet me thirrjet për të dëshmuar pas raportimeve se firma e cila ka lidhje me fushatën e presidentit Donald Trump, fitoi qasje të papërshtatshme në të dhënat e 50 milionë përdoruesve të Facebook./Arbresh.info/