Kryeministri sllovak: Nëse bie Ukraina, pastaj rradhën e kemi ne

23:53 | 25 Maj 2022
Trina Galanxhi

Kryeministri sllovak Eduard Heger dërgoi një paralajmërim të fortë për të ardhmen e vendit të tij në rast se Rusia mund Ukrainën.

Në Forumin Ekonomik Botëror që po mbahet në Davos, Heger tha se “nëse bie Ukraina, pas saj e ka rradhën Sllovakia”, transmeton portal arbresh.info

“Ukraina duhet të fitojë,” tha Heger në një panel ku morën pjesë një numër liderësh politikë dhe biznesi europianë.

Kryeministri sllovak ka kritikuar anëtarët e BE-së se mbështeten shumë në energjinë ruse dhe u bëri thirrje udhëheqësve europianë që të “ndalojnë komprementimin” e parimeve të tyre kur kanë të bëjnë me Rusinë.

“Ne i kemi shitur vlerat tona lirë për naftën dhe gazin rus. Kompromiset me Putinin kanë shkaktuar luftë në Ukrainë. Ne po flasim për një luftë agresive në të cilën njerëzit po vdesin masivisht. Ukrainasit po derdhin gjakun e tyre për vlerat tona “, tha Heger./arbresh.info/