Këshilli i Qytetit të Minneapolis voton për të shpërbërë Departamentin e Policisë

19:24 | 26 Qershor 2020

Këshilli i Qytetit në Minneapolis të premten miratoi njëzëri një propozim për të ndryshuar kartën e qytetit për të lejuar që Departamenti i Policisë të shpërbëhet, pas kritikave masive të publikut për ligjzbatuesit mbi vrasjen e George Floyd.

Votimi 12 -0 është vetëm hapi i parë në procesin që ka mjaft pengesa burokratike deri në votimin e nëntorit, ku votuesit e qytetit e kanë fjalën e fundit, transmeton portali arbresh.info.

Ky vendim i erdhi pas sulmit të kohëve të fundit në qytetin më të madh të Minesotës që kanë rritur shqetësimet e shumë qytetarëve për bisedimet e shpërbërjes së departamentit.

Ndryshimi i propozuar më pas shkon në një komitet politikash dhe Komisionit të Kartës së qytetit për një rishikim zyrtar, në të cilin qytetarët e caktuar dhe zyrtarët e qytetit mund të pyeten.

Forca e Minneapolis ka qenë nën presion të madh qëkur Floyd, një i ri me ngjyrë vdiq me 25 maj, pasi një oficer policie e shtypi me gjurin e tij për gati tetë minuta.

Aktivistët kanë akuzuar prej kohësh departamentin se nuk është në gjendje të ndryshojë kulturën raciste dhe brutale, dhe në fillim të këtij muaji, një shumicë e këshillit shpalli mbështetje për shpërbërjen e departamentit./arbresh.info/

Shpërndaje në rrjete sociale

Lajmet më të lexuara