Ushtria izraelite ka thënë se është “në proces” të transferimit të inkubatorëve nga një spital në Izrael në Gaza.

Masa mund të jetë për të lehtësuar evakuimin e foshnjave të porsalindura nga spitali më i madh i Gazës.

Al-Shifa ka mbetur pa karburant dhe ka ditë të tëra pa energji elektrike dhe ujë, ndërsa aty pranë kanë vazhduar të shtënat me armë zjarri dhe bombat.

Zëdhënësi i ministrisë së Shëndetësisë së Gazës, të udhëhequr nga Hamasi, Ashraf al Qidra tha se 32 pacientë kishin vdekur në tre ditët e fundit, duke përfshirë tre foshnja të porsalindura.

Presidenti amerikan Joe Biden i tha Izraelit mbrëmë vonë se objekti duhet të mbrohet.

Forcat e Mbrojtjes të Izraelit (IDF) postuan një imazh të një ushtari që shkarkonte inkubatorët nga një furgon këtë mëngjes.

IDF ka thënë më parë se do të ndihmonte në lehtësimin e transferimit të foshnjave nga spitali, por nuk ka dhënë asnjë detaj në lidhje me planin apo se ku do të zhvendosen./tvklan.al

The IDF is in the process of coordinating the transfer of incubators from a hospital in Israel to Gaza. pic.twitter.com/C8jyv0g3sE

— Israel Defense Forces (@IDF) November 14, 2023