Ushtria izraelite ka nisur një sulm të gjerë ajror mbi pozicionet e Hamasit në Rripin e Gazës, thanë forcat e Mbrojtjes izraelite në një deklaratë. Sulmi vjen pas përplasjeve serioze në kufi, ku një ushtar izraelit mbeti i vrarë.

“IDF e dënon sulmin dhe aktivitetin armiqësor të orkestruar nga Hamasi gjatë muajve të fundit me ashpërsi të madhe. Hamasi zgjodhi të përshkallëzojë situatën e sigurisë dhe do të bartë pasojat për veprimet e saj”, tha ushtria izraelite në një deklaratë për mediat.

Menjëherë pas deklaratës në kufi u përdorën aeroplanë dhe tanke për të sulmuar luftëtarët e Hamasit. Bastisja e së premtes vjen si një afat i dhënë nga Ministri i Mbrojtjes Avigdor Lieberman ndaj Hamasit për të ndaluar sulmet ose për të përballuar pasojat.

Zyrtarët më të lartë të sigurisë të Izraelit njoftohet se zhvilluan një takim, pas së cilit vendi mund të fillojë një operacion ushtarak në shkallë të plotë, ngjashëm me atë në 2014, raporton RT.

“Ky shpërthim vjen katër vjet pas luftës së fundit në Gaza, që njihet si Operacioni i Mbrojtjes”. Kjo luftë zgjati shtatë javë dhe në të mijëra njerëz u vranë dhe shqetësimi në terren është se ne mund të jemi dëshmitarë të një lufte tjetër që do të shpaloset në orët e ardhshme”, tha ajo.

Përshkallëzimi i tensionit vjen pas muajsh përplasjesh në Rripin e Gazës, ku mijëra protestues u mblodhën çdo javë në një gardh të ngritur nga forcat izraelite për të ashtuquajturën Marshi i Kthimit të Madh. Dhjetëra civilë janë vrarë nga snajperë izraelitë në atë që Izraeli e quajti një përgjigje të matur ndaj përpjekjeve të Hamasit për të thyer muret.