India ka raportuar një rritje rekorde të infeksioneve nga koronavirusi gjatë 24 orëve të fundit, thuhet në të dhënat e Ministrisë së Shëndetësisë të dielën, gjendja është duke përkeqësuar pasi ka mungesa të furnizimeve me oksigjen dhe shtretërve spitalorë në disa nga qytetet më të goditura të vendit.

India ka raportuar 261,500 raste të reja, duke e çuar numrin e përgjithshëm të të prekurve nga COVID-19 në 14,8 milionë raste. Gjatë 24 orëve të fundit atje kanë ndërruar jetë 1,501 persona, duke u bërë numri total i të vdekur në 177,150 njerëz.

India, e goditur nga përhapja e varianteve më ngjitëse të sëmundjes, po përballet me një mungesë të rëndë të shtretërve spitalorë, furnizimeve me oksigjen dhe ilaçe kritike siç është ilaçi anti-viral Remdesivir.

I shqetësuar për një rritje të shpejtë të rasteve të koronavirusit, Kryeministri Narendra Modi mbrëmë u kërkoi autoriteteve të tërhiqnin të gjitha ndalesat për të rritur prodhimin e vaksinave COVID-19.

Modi gjithashtu rishikoi gatishmërinë e përgjithshme të administratës së tij dhe theksoi nevojën për të siguruar disponueshmërinë e shtretërve spitalorë dhe furnizimet e oksigjenit dhe ventilatorëve. Ai gjithashtu kërkoi që ekipi i tij të punojë ngushtë me qeveritë lokale, veçanërisht me 12 shtetet e shkatërruara nga rritjet e rasteve të koronavirusit.

Por partitë e opozitës, duke përfshirë partinë e Kongresit, kritikuan Modin për tubimet e mëdha që kishte mbajtur me njerëz për të kërkuar mbështetje për në zgjedhjet e ardhshme.