Greva në linjën e transportit në Francë kundër reformës pensionale ka hyrë në ditën e 29-të duke  e bërë grevën më të gjatë të punonjësve të hekurudhave që nga maji i vitit 1968.

Veprimi industrial kundër reformave të planifikuara nga presidenti Emmanuel Macron ka goditur shërbimet e trenave më së shumti, transmeton portali arbresh.info.

Qeveria thotë se ndryshimet janë të nevojshme për ta bërë sistemin më të drejtë dhe më të qëndrueshëm, por sindikatat thonë se punonjësit do të humbin.

Më shumë bisedime do të zhvillohen midis sindikatave dhe qeverisë më 7 janar.

Në fjalimin e tij të Vitit të Ri të Martën, Z. Macron u zotua të mos tërhiqte planin e tij për të rregulluar sistemin kompleks të pensioneve të Francës që do t’u kërkonte njerëzve të punojnë më gjatë.

Drejtuesit e sindikatës kanë bërë thirrje për një ditë proteste masive në 9 janar. Një bllokadë e re e objekteve të benzinës, përfshirë rafineritë, terminalet e benzinës dhe depot, është planifikuar gjithashtu në 7 janar për 96 orë deri në 10 janar./arbresh.info/