Argjentina ka ndaluar të gjitha fluturimet komerciale brenda dhe jashtë vendit deri me 1 shtator, për shkak të shpërthimit të koronavirusit.

Autoritetet thanë që linjat ajrore nuk duhet të lejohen të shesin bileta për fluturime që mund të mos shkojnë realizohen në katër muajt e ardhshëm, transmeton portali arbresh.info.

Grupet e industrisë së aviacionit thanë që mijëra njerëz mund të humbnin punën e tyre.

Argjentina mbylli kufijtë e saj për jo-rezidentët në mars, duke vendosur masa të ashpra karantine.

Vendi aktualisht ka afro 4,000 infeksione të konfirmuara, me 192 vdekje, sipas shifrave të Universitetit Johns Hopkins.

Administrata Kombëtare e Aviacionit Civil të vendit nxori një dekret të hënën, duke ndaluar shitjet e biletave për fluturime komerciale brenda ose jashtë Argjentinës.

Administrata e përshkroi 1 shtatorin si një datë “të arsyeshme”.

Agjencia shtoi se dekreti kishte për qëllim parandalimin e linjave ajrore nga shitja e biletave të cilat nuk ishin aprovuar nga autoritetet argjentinase./arbresh.info/