Pacolli kërkon t’i sigurohet material shkollor dhe higjienik fëmijëve të familjeve në nevojë

12:21 | 14 Shtator 2020
arbresh.info

Presidenti i AKR-së, Behgjet Pacolli, thotë se kohët kanë ndryshuar jashtëzakonisht shumë dhe sot fëmijët do të fillojnë vitin shkollor duke u përgatitur për të përballuar sfidat aktuale me pandeminë me të cilën përballemi.

“Është e rëndësishme që shëndeti dhe siguria e fëmijëve të ruhen shumë në shkolla në mënyrë që ata të vazhdojnë me arsimimin dhe të jenë të shëndetshëm”, ka shkruar Pacolli në Facebook.

Sipas tij, Qeveria duhet të mbështesë familjet që kanë nevoja sociale në mënyrë që fëmijët të mos kenë mungesë të materialit arsimor dhe të kenë ndihmë për të qenë të shëndetshëm dhe për të ruajtur higjienën e tyre./arbresh.info/

Për shumë fëmijë sot është fillimi i shkollës pas disa muajsh. Kohët kanë ndryshuar jashtëzakonisht shumë dhe sot…

Posted by Behgjet Pacolli on E hënë, 14 Shtator 2020