Ad Banner
Ad Banner
Ad Banner
Ad Banner

Qytetarët do të lirohen nga pagesa në Stacionin e Autobusëve në Prishtinë

21:34 | 19 Gusht 2018
V. S.

Në fund të këtij muaji pritet të largohet pagesa prej 10 centëve për secilën hyrje në Stacionin e Autobusëve në Prishtinë. Këtë e ka konfirmuar ushtruesi detyrës së krye shefit ekzekutiv në Stacionin e Autobusëve Emin Sylejmani.

Prej 17 shtatorit, të vitit të kaluar secili udhëtar që udhëton prej Prishtinës drejt qyteteve tjera në Kosovë obligohet të paguajë 10 centë taksë për Stacionin e Autobusëve.

Ky vendim i udhëheqjes së Stacionit ishte marrë pasi kishin dështuar të vendosin shitjen e biletave në mënyrë digjitale.Tani kur kanë kaluar gati një vit, kjo tarifë pritet të hiqet.

Vendimi i menaxhmentit për pagesën në sportele solli pakënaqësi tek shoferët dhe udhëtarët. Si pasojë e kësaj, ka pasur edhe protesta dhe greva, ku autobusët nuk kanë hyrë fare në stacion./T7/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm