Kush ishte porositësi i spotit kundër Oliver Ivanoviqit në TV Pink?

AppleMark

15:48 | 30 Gusht 2018
Arbresh.info

Çajetina, 30 gusht –Zdrava Srbija (Serbia e Shëndetshme), një lëvizje në Serbi që udhëhiqet nga Millan Stamatoviq, ka kërkuar sot nga i Ngarkuari për informata me rëndësi publike, Radolub Shabiq, që në përputhje me autorizimet që ka, të sigurojë dhe të publikojë të dhënat se kush ishte kreatori, porositësi dhe që pagoi për emetimin e spotit kundër Oliver Ivanoviqit në TV Pink të Serbisë, raporton FoNet.

Stamatoviq këtë kërkesë e ka drejtuar pasi vëllai i Ivanoviqit ka njoftuar se ky“spot përndjekës” (pogrom) i porositur nga Lista Serbe, pak para se Oliveri (Ivanoviq) të likuidohej, ishte emetuar në televizionet lokale të Kosovës (bëhet fjalë për ato në gjuhën serbe, sqarim ynë).

Nëse edhe më tutje TV Pink do të refuzojë të përgjigjet në këtë pyetje, atij televizioni duhet tëi ndalohet ushtrimi i veprimtarisë, përkatësisht emetimi i programeve në një periudhë gjashtëmujore deri një vit, siç parasheh qartë Ligji në fuqi për shpallje, thuhet në komunikatën e Stamatoviqit.

Oliver Ivanoviq, lider serb në Kosovë, u vra më 16 janar të vitit 2018 para zyrës së tij në pjesën veriore të Mitrovicës.