Avni Dehari: Astritin e kërcënuan me 10 vjet burgim dhe me transferim në Kumanovë

23:50 | 5 Nëntor 2018
V. S.

Avni Dehari, babai i aktivistit të ndjerë të Lëvizjes Vetëvendosje, Astrit Dehari, ka folur për të birin e tij, në dyvjetorin e vdekjes së tij në një burg të Prizrenit.

Ai ka treguar në televizionin T7 për një bisedë të Astrit Deharit me nënën e tij, gjatë kohës sa ai ndodhej në burg, teksa akuzohej për sulm terrorist ndaj institucioneve të vendit.

Avni Dehari ka thënë se i biri i tij i kishte treguar nënës së tij për gjoja kërcënimet që i ishin bërë.

Sipas Avni Deharit, i biri i tij i kishte treguar nënës së tij se nëse s’do ta pranonte fajin, do ta dënonin me “deri në 10 vjet burgim”.

Avni Dehari ka thënë se Astrit Deharit i ishte thënë edhe se “do të transferojmë në një burg në Kumanovë”, nga e ka prejardhjen edhe familja e tij. /Express/