AGK del kundër një projektligji të qeverisë, kërkon që gazetarët të përjashtohen nga ndjekja penale

18:12 | 26 Tetor 2018

Projektligji për Mbrojtjen e Informacionit të Klasifikuar, i cili po përgatitet nga Qeveria e Kosovës, po konsiderohet të jetë një nismë ligjore e rrezikshëm për gazetarët.

Bordi i Asociacionit të Gazetarëve të Kosovës (AGK) ka reaguar duke thënë së ky projektligj cenon rëndë liritë dhe të drejtat e gazetarëve dhe rrezikon burimet e tyre.

AGK po pretendojnë se ky projektligj parasheh dënime të larta me burgim edhe për gazetarë, në rast se publikojnë informacione të cilat mund t’i kasifikojë si sekrete një agjenci që krijohet nga ky projektligj.

AGK thotë se do të angazhohet që një pjesë e këtij projektligji të ndryshohet dhe të bëhet përjashtim nga ndjekja penale për gazetarët dhe burimet e tyre të informacionit.

Gazetari i Gazetës Express, Mentor Gjergjaj, bën të ditur se tashmë AGK ka kërkuar nga sponzorizuesit e këtij projektligji, në këtë rast Qeveria dhe Zyra e Kryeministrit, që gazetarët, burimet e tyre dhe sinjalizuesit të përjashtohen nga sanksionet penale që parasheh ky projektligj.

PROJEKTLIGJI PËR MBROJTJEN E INFORMACIONIT TË KLASIFIKUAR po parasheh dënimin deri në 12 vjet burgim për ata që nxjerrin…

Publiée par Mentor Gjergjaj sur Vendredi 26 octobre 2018

 

 

 

 

Shpërndaje në rrjete sociale

Lajmet më të lexuara