Qeveria e Kosovës ka miratuar shqyrtimin e projektligjit për ratifikimin e marrëveshjes bilaterale ndërmjet Qeverise së Kosovës dhe Qeverisë së Dukatit të Madh të Luksemburgut në kuadër të projektit të bashkëpunimit zhvillimor KSV/019: asistencë teknike në kontekst të integrimit evropian.

Ministrja e integrimeve evropiane, Dhurata Hoxha ka thënë se kjo marrëveshje ka të bëjë me projektin e përbashkët zhvillimor në përmbushjen e kërkesave të Kosovës për marrëveshjen e stabilizim asocimit, raporton Arbresh.info.

“Kontributi i qeverisë së Luksemburgut do të jetë në shumën prej 2 milion euro ndërsa i Kosovës 100 mijë euro. Miratimi i këtij projektligji është i veçantë për Kosovën në procesin e integrimit të Administratës Publike”, tha ajo./Arbresh.info