Një ekip i shkencëtarëve ndërkombëtarë të udhëhequr nga studiuesit në Universitetin e Cambridge në Britani të Madhe ka gjetur se ekziston një lidhje mes yndyrë në gjak dhe formimit të proteinës beta-amilode, një element kyç në fazën e hershme të sëmundjes Alzheimer.

Ekspertët kanë gjetur se kolesteroli i pranishëm në tru është një element nxitës për formimin e pllakave beta-amiloide, të cilat në fund të fundit çojnë në formimin e pllakave toksike beta-amiloide që rezultojnë në vdekjen e qelizave të trurit, transmeton portali arbresh.info

Ekipa e shkencëtarëve beson se “shtegu” i ri në tru në të cilin proteinat beta-amiloide mbetën së bashku, mund të përfaqësojnë një objektiv të mundshëm për trajtimet e reja.

Deri më tani, komuniteti shkencor mbeti i hutuar për mënyrën se si beta-amiloid filloi të grumbullohej në tru, ku ata paradoksalisht dhe zakonisht janë në sasi të vogla.

Udhëheqësi i studimit, Profesor Michele Vendruscolo tha  se tani pyetja kryesore është se si mund të kontrollojmë rolin e kolesterolit në zhvillimin e Alzheimerit duke rregulluar ndërveprimin e saj me proteinën beta-amiloide.

“Nuk po themi që kolesteroli i lartë është shkaku që favorizon procesin e grumbullimit, por sigurisht është një nga faktorët”, tha ai./arbresh.info/