Presidenti amerikan Donald Trump do të zbulojë nëse SHBA-të do të qëndrojnë ende në marrëveshjen bërthamore me Iranin apo do të rivendosin sërish sanksionet.

Trump ka kritikuar ashpër marrëveshjen e 2015-ës, nën të cilën Irani ka limituar aktivitetet bërthamore në shkëmbim të heqjes së sanksioneve, transmeton portali arbresh.info.

Shtetet evropiane e shohin si mënyrën më të mirë për të ndaluar Iranin të prodhojë bombë bërthamore.

Shtëpia e Bardhë ka sinjalizuar që presidenti mund të mos zbatojë një pjesë të marrëveshjes, por kjo ende nuk dihet se çfarë do të thotë.

Sekretari i Jashtëm i Britanisë së Madhe Boris Johnson i kërkoi zotit Trump të mos e “lëshojë fëmijën në ujin e detit” të hënën, ndërsa homologu i tij francez Jean-Yves Le Drian bëri të qartë se Franca, Britania e Madhe dhe Gjermania do të vazhdonin ta nderonin marrëveshjen.

Presidenti iranian Hassan Rouhani ka paralajmëruar se vendi i tij mund të përballet me “disa probleme” në muajt e ardhshëm, por theksoi se do të “vazhdojë të punojë me botën”./Arbresh.info/