Liverpooli e ka seriozisht, e do në ekip futbollistin e Kosovës

17:09 | 10 Prill 2018
Arbresh.info

Mesfushori i Përfaqësueses së Kosovës dhe skuadrës austriake Red Bull Salzburg, Valon Berisha, ka mahnitur me paraqitjet e tij në këtë edicion me Kosovën, në Austri si dhe në Ligën e Evropës, transmeton arbresh.info.

Mesfushori kosovar me paraqitjet e tij ka bërë që shumë skuadra evropiane të shfaqin interesim për të.

Ditë më parë u raportuan se skuadra e Lazios në Itali është lëshuar në sulm për ti siguruar shërbimet e tij derisa së fundmi një tjetër gjigant i futbollit evropian e do në ekip.

Fjala është për skuadrën e Liverpoolit në Premierligën angleze.

25-vjeçari Valon Berisha këtë sezon ka zhvilluar 40 ndeshje në të gjitha garat me kampionët e Austrisë, ku ka shënuar 13 gola pesë prej tyre në Ligën e Evropës. /arbresh.info/