Deputetja e NISMA-s kritikon koleget e saj deputete për votimin për Guvernatorin e BQK-së

13:16 | 15 Mars 2018
Arbresh.info

Deputetja e NISMA-s, Albulena Balaj- Halimaj e ka quajtur hipokrizi numrin e vogël të votave që kandidatja femër për Guverntore të BQK-së, Shkëndije Himaj ka marrë sot nga deputetet.

Balaj-Halimaj ka thënë se kjo është një hipokrizi kur dihet se në Kuvendin e Kosovës janë mbi 30 deputet femra ndërkohë që Shkëndije Himaj mori vetëm 15 vota në këtë votim, shkruan Arbresh.info.

“Kjo është një hipokrizi pasi e pamë se sa gruaja e përkrah gruan, nga mbi 30 gra që ka Kuvendi i Kosovës, vetëm 15 vota i mori Shkëndije Himaj”, ka thënë ajo.

Fehmi Mehmeti është zgjedhur Guvernator i ri i Bankës Qendrore të Kosovës me 60 vota ndërkaq të nominuar për këtë pozitë ishin edhe Besnik Bislimi i cili mori 31 vota dhe Safet Merovci që mori vetëm 4 vota./Arbresh.info