Lajmi se Kryeministri Edi Rama është përzgjedhur si një nga liderët politikë më të pashëm në botë ne një klasifikimin të bërë nga Hottest Heads of State e ka ekzaltuar tepër stafin e News24.

Fakti se kryeministri shqiptar renditet në vendin e 22, tetë pozicione më larg se Presidenti i SHBA Barack Obama e ka bërë këtë televizion të montojë një kronikë ku Rama shpallet (për inat të Merkelit që se pranoi në Tiranë si lider të ballkanit), lider i bukurisë në rajon.

Sipas News24 Rama lë shumë më pas homologun e tij serb. E gjithë kjo kronikë shoqërohet me kolonën zanore “bello e imposibile”.

Në fakt Rama ka mposhtur të gjithë konkurrentët e tij në rajon, ku në rivalin e tij më të madh homologun malazez Milo Gjukanoviç, e ka lënë pas me 18 pozicione. Ndërsa kryeministrat e Kosovës Isa Mustafa dhe i Serbisë Aleksandar Vuçiç nuk janë përfshirë fare në klasifikim. Po ashtu as Presidentja e Kosovës Atifete Jahjaga nuk gjendet fare në këtë listë prej 197 liderësh botërorë.

Ndërkohë Presidentja kroate Kolinda Grabar­Kitaroviq është renditur në vendin e nëntë. Sakaq, edhe Presidenti i Shqipërisë Bujar Nishani gjendet në këtë listë, duke zënë vendin e e 112­ të. Në vendin e parë të udhëheqësve me të pashëm është Jigme Khesar Namgyel Wangchuck, mbret i Butanit. Ai pasohet nga presidenti i Meksikës, Enrique Pena Nieto dhe mbret spanjoll Felipe VI.