Reperi i njohur nga kënga e famshme “Flava in ya ear”, Craig Mack ka ndërruar jetë dje në moshën 46-vjeçare pas një ataku kardiak.

Ai ishte i shtuar në një spital afër shtëpisë së tij në Karolina. Mack mori famën në vitin 1994 kur publikoi këngën “Flava in ya ear” e cila u bë hit. Më pas bashkëpunoi me P Diddy dhe publikoi albumin Get Down.

Më vonë ai e la repin dhe ja dedikoi jetën besimit dhe siç u raportua reperi i ishte bashkuar kishës konservatore Pentecostal.

“U mundova ta bindja të bënte sërish muzikë. Ai e ndjente se duhet t’i përkushtohej besimit dhe të mos bënte më rep”, tha producenti Mo Bee.

“U mundova t’i shpjegoja se ai mund të lëvdonte Zotin nëpërmjet muzikës së tij. Ai u bind, i dërgoja nja 5, 6 këngë, por nuk dëgjova më nga ai”, shtoi producenti./xing.al