Në qytetin e Bajram Currit u zhvillua një takim informues me ekspertë dhe qytetarë lidhur me ndërtimin e Hidrocentraleve në Valbonë.

Ambasadori amerikan Donald Lu i pranishëm në takim tha se qeveria e SHBA-ve mbështet një dialog të hapur dhe konstruktiv mes shoqërisë civile, kompanive private dhe qeverisë shqiptare.

“Qeveria e Shteteve të Bashkuara mbështet një debat të hapur dhe konstruktiv, mes shoqërisë civile, kompanive private dhe qeverisë shqiptare. Shpresojmë që diskutimet e tyre sot do të çojnë për zhvillimin dhe mbrojtjen e burimeve natyrore në një nga parqet kombëtare më të bukura të Shqipërisë”, deklaroi Ambasadori.

Gjatë diskutimeve nuk kanë munguar edhe përplaset mes banorëve që mbështesin projekte për ndërtimin e hidrocentraleve në Luginën e Valbonës dhe atyre që prej kohës kundërshtojnë me forcë, që sipas tyre shkatërrojnë gjithë bukuritë e zonës.

Përfaqësues të kompanive private që kanë filluar ndërtimet e hidrocentraleve, thanë se zona turistike e Valbonës nuk preket nga këto projekte./gsh/