Sulmuesi i Paris Saint Germain, Edinson Cvani raportohet se është duke menduar me plotë seriozitet të ardhmen e tij te lideri në Liga 1.

Ai është i zhgënjyer në PSG pas arritjes së Neymar për një tarifë rekorde gjatë verës së kaluar dhe gazeta franceze ‘Le Parisien’ raporton që niveli i zhgënjimit të tij është aq i lartë se lojtari është i gatshëm të largohet nga klubi, transmeton portali arbresh.info.

Raportet mes Cavanit dhe Neymarit tashmë është e dokumentuar mirë që nuk janë të mira për shkak se dyshja janë përplasur disa herë në fushë.

Përplasja e parë ndodhi në muajin shtator rreth ekzekutimit të një penalltie në një ndeshje në Liga 1 ku ish sulmuesi i Barcelonë insistonte për ta ekzekutuar. Që nga atëherë, shumë raporte pretendojnë se dyshja më nuk shikojnë njëri-tjetrin në sy.

Pavarësisht kësaj, Cavani ka qenë në formë të mirë këtë sezon. Sulmuesi uruguaian ka shënuar 33 gola brenda 38 ndeshjeve dhe 24 nga golat e shënuara ishin nga 25 ndeshjet e zhvilluara në Liga 1.

PSG nga ana tjetër është e gatshme për të lejuar largimin e tij në rast se ata pranojnë ndonjë ofertë prej 60 milionë euro./arbresh.info/