Bashkëkryesuesi i Komitetit për Politikë të Jashtme në Kongresin Amerikan, Eliot Engel i ka dërguar një letër reagimi redaksisë së Politicos, një ditë pas raportit se si Hashim Thaçi po e rrezikonte Kosovën për të mos u gjykuar vetë, raporton KTV.

Engel ka treguar për vizitën e tij në Kosovë dhe ka thënë se ka parë një popull dhe liderët e saj që po punojnë për të përparuar vendi, dhe se në këtë drejtim përkrahje e SHBA-së nuk do të mungojë asnjëherë.

“Raporti juaj i bazuar në kritika anonmie, thashetheme të pabazuara dhe gënjeshtra të kulluara, është një përpjekje e hapur për të demoralizuar liderët e Kosovës dhe për të penguar forcimin e sundimit të ligjit. Shumë prej akuzave në këtë artikull si ajo për trafikim droge, janë hedhur shumë shumë herë, duke përfshirë edhe një raport publik të CIA-s në vitin 2000. Drejtësia do të vendoset në gjykatë, dhe jo nëpërmjet fushatave denigruese”, ka shkruar Engel, transmeton Koha.net.

Ai ka thënë se ka parë gatishmërinë e Kosovës për të formuar Gjykatën Speciale, dhe në forcimin e demokracisë SHBA dhe BE do të vazhdojnë ta përkrahin vendin.