Kryeministri i Kosovës, Ramush Haradinaj, vizitoi sot minatorët e Mitrovicës me rastin e ditës së grevës së Minatorëve, njofton Klan Kosova.

Haradinaj këtu tha se ngujimi i minatorëve në minierën e Trepçës 29 vjet më parë, ishte moment kthese për Kosovën dhe zhvillimet e asaj kohe.

“Kemi para vetes dhe po punojmë në hartimin e statutit të Trepçës e gjithashtu edhe në përzgjedhjen e bordit të saj”.

Gjatë kësaj vizite, Haradinaj foli edhe për Kryeministrin e Shqipërisë, Edi Rama.

“I thashë vëllait im Edi Ramës, ne mundemi të shesim mend sa të duash tek njëri-tjetri por së më miri do të ishte Edi Rama ta zhvillonte Shqipërinë, me gjithë respektin për popullin shqiptar”.

“Kosova nuk është vend pa njerëz ku mundet çdokush të vijë e të japë leksione”, tha Kryeministri.