Panairi Veror i Ndërmarrësisë për rajonin veri do të hapet nesër në qendrën e qytetit të Vushtrrisë, ku fermerët vendorë do të promovojnë produktet e tyre.

Sipas organizatorëve, Panairi Veror i Ndërmarrësisë me sloganin: “Rajoni Veri: Vendi i diversitetit kulturor dhe shumëllojshmërisë së produkteve”, është një ngjarje dyditore e dizajnuar si një mundësi për fermerët vendorë ku të promovojnë produktet e tyre, përderisa për komunat respektive një mundësi për të promovuar imazhin e tyre si një rajon i dalluar me traditë dhe kulturë në ndërmarrësi.

Panairi zyrtarisht do të hapë Ditët e Diasporës në komunën e Vushtrrisë.
Ky aktivitet organizohet nga Asociacioni i Agjencive për Zhvillim Rajonal (ARDA), që financohet nga BE, në bashkëpunim me komunat e rajonit ekonomik Veri. Në vijim të ftesës (bashkëngjitur me këtë e-porosi) mund të gjeni programin e ngjarjes.