Pa u mbushur një muaj nga ceremonia e perurimit Trageti i Linjes Shengjin Brindisi, është zhdukur pa lëne asnjë gjurmë. Autoritetet e Portit te Shëngjinit jashtë kamerave thonë për Ora News se kompania Jonian Island ka shkelur kontratën. Ndërkohe Ministria e Transporteve ka shmangur çdo përpjekje të gazetarëve tanë për një prononcim mbi këtë skandal. Vetë Ministri Haxhinasto ishte prezent në ceremoninë e inaugurimit të Linjes me 7 qershor të këtij viti, në pikun e fushatës zgjedhore, por sot preferon të heshtë mbi misterin e tragetit, qe u zhduk fill pas perurimit.

Ndonëse iu bë jehonë e madhe dhe u përurua zyrtarisht nga ministria e Transportit më 7 qershor, trageti i linjës Shëngjin-Brindizi nuk u pa më në brigjet e Shëngjinit pas zgjedhjeve të 21 qershorit.

Banorët që jetojnë pranë portit pohojnë se trageti ka ardhur vetëm dy herë, dhe më pas u zhduk.

Jashtë kamerës, drejtori i portit të Shëngjinit, Gjovalin Tushaj, pranon që kompania horizont ka thyer kontratën 1 vjecare me të drejtë ripërtëritje, që ka me portin. 4 muajt e parë të grafikut të tragetit të linjës Shëngjin-Brindizi dhe anasjelltas ishin të pasqyruara në kontratë, ndaj Tushaj pohon se kompania do ndëshkohet për shkelje të grafikut të udhëtarëve.

Ora News u rikthye, për të disatën herë në portin e Shëngjinit, dhe para kamerave, askush nuk flet.

Trageti i linjës Shëngjin-brindizi, duhet të nisej cdo të shtunë nga brigjet italiane, për të mbërritur të dielën në orën 08:00 në ato shqiptare, por Ora News konstatoi se trageti nuk mbërriti. Kompania IONIAN ISLAND SHPK ka shpërfilluar autoritetet, duke shkelur në mënyrë të njëanshme kontratën. Ministria e Transporteve ka shmangur në cdo rast komentet mbi këtë skandal, megjithe insistimin e gazetareve te Ora News për një shpjegim mbi misterin që shoqëron tragetin e Linjes Shengjin -Brindisi.