Myftiu i Kosovës Naim Tërnava, me rastin e festës së Fitër Barajmit, ka uruar gjithë vëllezërit dhe motrat tona, duke e lutur Allahun e Madhërishëm të na sjell paqe, qetësi, drejtësi, liri e dhembshuri.

“Në emër të Bashkësisë Islame të Republikës së Kosovës të institucioneve të saj dhe në emrin tim personal, i përgëzoj të gjithë besimtarët për përmbushjen e njërit prej obligimeve kryesore të fesë islame. Duke e lutur Allahun xh.sh që të na ketë pranuar agjërimin lutjet ibadetet dhe punët e mira që i kemi bërë gjatë këtij muaji për Krijuesin e këtij Universi”, ka thënë Tërnava në një konferencë për media.

Ai gjithashtu tha se ky Bajram le të mbetet Bajrami i atyre të cilët thyen murin e egoizmit, përmes ndihmave, i atyre që bënë nderë dhe që kanë ndarë kafshatën e bukës për të nevojshmit.

“Gjatë muajit të Ramazanit u munduam që të pastrojmë shpirtrat tanë me devotshmëri, adhurim, sadaka, zekat dhe fitra. Ky Bajram le të mbetet Bajrami i atyre të cilët thyen murin e egoizmit, përmes ndihmave, i atyre që bënë nderë dhe ndan kafshatën e bukës për të nevojshmit, treguan qetësinë shpirtërore, vëllazërinë dhe miqësinë, i atyre që ua hapën derën vëllezërve dhe motrave të tyre”, u shpreh Tërnava.

Tërnava thotë se vetëm të bashkuar e unik mund të qojmë para vendim tonë, duke krijuar perspektiva të sigurta për brezat që po vijnë./arbresh.info.